272. De s. Johanne Baptista.

la. Ad honorem praecursoris,
Omni laude dignioris,
Nostra psallat concio.

1b. Quem a Deo destinatum
Probat nomen ei datum
A coelesti nuntio.

2 a. Salvatorem salutavit,
Dum venire exsultavit,
Mirando praesagio,

2 b. Et nos ipsum salutemus,
Cujus ortu congaudemus:
Ave, via devio.

3 a. Tu lucerna firmamenti,
Tu minister sacramenti
Primi baptisterii,

3 b. In quo Christum abluisti
Et columbam adspexisti,
Testem Dei filii.

4 a. Ave, decus castitatis,

Te major non est in natis
Christi testimonio;

4 b. Tu prophetas consummasti,
Honorasti, confirmasti
Digiti indicio.

5 a. Johannes, schola virtutum,
Iter para nobis tutum
Facque dignos venia;

5 b. Nos Christo, quem baptizasti,

Cujus viam praeparasti,

Semper reconcilia.