278. De s. Johanne Evangelista.

la. Johannes evangelista,

Quis sis, quantus agonista
Die dona nobis ista
Commetiri laudibus.

1b. Qui laborem hunc subimus,
Gratum quidem, docti simus
Te magistro, quod nequimus
Scire nostris viribus.

2 a. Dulce nomen et beatum
Docet nos interpretatum,
Quod sis Dei gratia,

2b. Plenius sed docuisti,
Dum vocatus reliquisti
Patrem, navem, retia.

3 a. Reddis vicem quam benigne
Vocaris vocantem insigne,
Jesu decus patuit.

3 b. Die tertia te teste
Venit Deus manifeste
Noster et non siluit.

4a. Deus homo sine patre

Cum discipulis, cum matre
Tuas visit nuptias,

4b. Quas miraculo sacravit
Suo, dum praecepto favit
Aqua dans delicias.

5 a. Suum sentit aqua regem
Et veternam mutat legem
Regis ad imperium,

5 b. Aqua rubet sed in vinum
Muscet et architriclinum,
Quo stupet convivium.

6a. Esse credas, o Judaee,
Hoc in Cana Gallilaeae
Signorum initium,

6 b. Finem legis terminatae,
Novae gratiae jam datae
Caput et principium.

7 a. In Johanne Zebedaei
Argumentum nostrae spei
Primum jure claruit,

7 b. Christi namque primo ductu
Primus iste trino fructu
Maritari meruit.

8 a. O Johannes sponsam linquis
Sed carnalem nec delinquis,
Tutus scandis ardua,

8 b. Unus fructum das tricenum,
Sexagesimum, centenum,
Sponsus, virgo, vidua.

9 a. Tu pro Christo aspernatus
Pectus lene, molle latus,
Conjugis lasciviam,

9b. Christi sinum promerens,
Quo recumbens tutus quaeris
Tradentis notitiam.

10 a. Tu plus ceteris dilectus

Gratus gratum Christi pectus
Premis aure patula,

10 b. Aurem imprimis carnalem
Pectori sed spiritalem
Mergis mente sedula.

11a. Miris harmoniae sonis
Universae rationis
Audis plenitudinem,

11b. Mirae vir praerogativae
Puri fontis aquae vivae
Hauris hinc dulcedinem.

12 a. Dum in cruce triumphavit
Christus, suam commendavit
Matrem tibi virginem,

12 b. Quam aperte monstrat Jesus,
Aestu carnis quod illaesus
Viceris libidinem.

13 a. Fervet oleum nec cutis
Rugam trahit nec salutis
Statum mutat, haec virtutis
Et divinae gloriae.

13b. Magis bac virtute mirum
Toxicum in duos diram
Tertium te fortem virum
Servat a molestia.

14 a. Quos veneni socios
Habuisti,
Facis tibi conscios
Regni Christi.

14b. Reddis, quam perdiderant,
Mundi lucem
Et te sequi properant
Coelo ducem.

15 a. Sed Caesar Domitianus,
Alter Nero, vir vesanus,
Nerone crudelior,

15 b. Vir versutus dire certat,
Christi fidem ut evertat,
Sed fit inde clarior.

16 a. Exsulas eo jubente
Relegatum te repente
Vocat Pathmos insula;

16 b. Hinc in coelum raptus vides,
Ceteros quos docet fides
Optare spe pendula.

17 a. Et non plene transit annus,
Et succumbit hic tyrannus
Senatus supplicio,

17 b. Archipraesul redis gratus
Omni populo vocatus
Senatus judicio.

18 a. Aetas, sexus et fortuna
Certat omnis, ut sit una
Laus in ore omnium ;

18 b. Laudem devitas humanam,
Suscitas ut Drusianam,
Dei rogas filium.

19 a. Gemmas fractas qui reformas
Mire Cratonem renormas
Et ineffabiliter,

19 b. Gemmae saxa litoris,
rum virgae nemoris
Per te nitens pariter.

20 a. Ebionem cum Cerintho,

Stirpem foedam cum semento
Evellis radicitus,

20 b. Verbum, dicens, habitare
Carnem factum salutare
In nobis humanitus.

21a. His figuras te loquelis
Aquilam Ezechielis,
Raptus quam vides in caelis
Rotam plenam oculis.

21b. Christum gaudes adimplere:
Sic enim volo manere,
Donec veniam, nam vere
Venit cum discipulis.

22 a. Quinque dies ante mortem
Non sensurum mortis sortem
Te probatum virum fortem
Invitavit ad cohortem
Coelis epulantium.

22 b. Tecum, qui conviva places,
Aquila, transfer paraces,
Qui non sumus efficaces
Per nos epulas veraces
Gustare fidelium,

23. O Johannes Christi care.