282. In Transitu s. Hildae.

la. Sponso festiva gratulans
sponsa virgo ecclesia

1 b. Dulce decantans jubilat
solemniter Alleluja.

2 a. Quem speciosum forma
praefulgentem et gratia

2 b. Amplectens virginea
sponsum sectatur chorea.

3 a. Cujus praepollentia
formositatis insignia

3 b. Hilda mente fervida

gliscebat carne perdomita.

4 a. Haec virginalis hostia

coelo consecratur gratissima.

4b. Pia virgo, virginea

regi Christo nutriens agmina,

5 a. Regia stirpe edita,

servorum Christi fit famula;

5 b. Mundi contemnens gaudia
sitiens suspirat coelica.

6 a. Dei sapientia

sedens ejus in anima

6 b. Dat pacis consilia
et salutis hortamina.

7 a. Rexit monastica
coelibes regula,

7 b. Fervet justitia,
pollet scientia.

8 a. Deo jam fruitura
exsultat virgo regia

8 b. Carne dolens tenera
praeparatur ad aethera.

9a. Nam sponsus eam invitat:
veni, amica mea,

9 b, Imber abiit et pluvia,
veni, formosa mea.

10 a. Felix corpore libera
ad coeli scandit
cum angelis regna,

10 b. Qua cum virginis cantica
eboris decantat
agno virginea.

11a. Jam nos, o virgo beata,
tuo precatu adjuva,

11b. Ut m sanctorum patria
nobis sit tecum gloria.