284. De s. Johanne Evangelista.

1 a. Adest dies celebranda,
Celeberrime veneranda,

1b. Salvatoris magnalia

Resonent per haec festalia.

2 a. Angelorum coetibus
in excelsis
facta est continua,

2b. Apostoli Johannis
festivitas
revolvitur annua.

3 a. Vir ille,

cui nomen est oriens,

3 b. Huic matrem

commendavit moriens.

4 a. Hunc divisit

a ceteris omnibus,

4 b. Qui solus est

rex regum et dominus.

5 a. Sic honoratur
a Domino
mellifluus
evangelista,

5 b. Ejus ergo festa
celebremus
alacriter
die ista.

6 a. Hunc in coena
claviger coeli rogat;

ob. Petrus tacet,

Johannes interrogat.

7 a. Assumptus est
hodie in gloria,

7 b. Unde gaudet
tota coeli curia.

8 a. Gaudeamus et nos
implorantes Johannis
patrocinia.

8 b. Benigne favet
digne celebrantibus
haec solemnia.

9 a. Gratulare satis,
devotio christiana,

9 b. Per Johannem tibi
coeli patent arcana.

10 a. Hic est discipulus ille,
quem Jesus diligebat:

10b. Hic in coena supra pectus
illius recumbebat.

11a. O quam miranda summi
regis humilitas,

11b. O quanta circa servum
familiaritas.

12 a. Hic fluenta salutaris
doctrinae hauriebat

12 b. Quod eructaret, de fonte
perenni bibebat.

13a. Mundi stella
rutilans, coeli
clausa reserans,
Johannes tenet
curiam.

13 b. Mater Jesu
mater ejus est
effecta, ipsa
per hunc nos ducat
ad gloriam.

14 a. Vale, valde
dulcissime,

14b. In tremendo
examine

15. Inter tuos
nos recipe.