285. De sancto Irenaeo.

1. Singulis aptare

syllabis melorum clara
iuvat neumata.

2 a. Ergo nunc organum
tu subministra,
sophia,

2 b. Verba, quae Dominum
sapiant, hausta
credantur

3 a. Quae de flumine vivo,
ventre Jesu quae
foras manant.

3 b. Haec nam condecent verba,
cui angelorum
gaudet turma.

4 a. Irenaeo

dicantur cantica

4b. Glorioso

martyri dulcia.

5 a. Hunc tumulatum sanctus
Alexander
ornat susceptus
ad laeva latera.

5 b. Dexteram capit alter,
circumjacent
sancta milia
milium corpora.

6 a. Eja, praesul,
de sede coelica,

6 b. Quam rexisti,
respice ecclesiam,

7. Ut tecum decantemus
simul Alleluja.