287. De sancto Juniano.

la. Pius, prudens et pudicus,

Dei servus et amicus,

Junianus nobilis,

1b. Amans amplexus Rachelis
Conversabatur in caelis
Mente Jacob humilis.

2 a. Hic in terris vixit ita
Monachus et eremita
Gratiosus populis,

2 b. Ut in auro margarita
Effulgebat ejus vita
Pictavorum oculis.

3 a. Prophetico prompsit ore
Successorem sibi fore
Clausus adhuc utero

3 b. Auremundum et praegnanti
Matri fame laboranti
Dat aurum pro puero.

4 a. Aer velut socius
Vel socio melius

Tenet patris baculum,

4 b. btupet rex Chlotarius,
Genu flectit mitius
Ob tantum miraculum.

5 a. Vas apum amplectitur
Fur, cui connectitur
Justo Dei glutino.

5 b. Bos a fare rapitur,
Fur a bove trahitur
Restituto domino.

6 a. Fagus furem tenuit
Et vulpes, quam rapuit,
Praedam reportavit,

6 b. Sed vinctos reatibus
Juniani precibus
Christus liberavit.

7 a. Sic diversis speciebus
In humanis ludit rebus
Divina potentia,

7 b. Fures capit, fures ligat,
Fures solvit et castigat
Hujus sancti gratia.

8 a. Haec et his similia
Miracula varia

Dum Christus operatur,

8 b. Felix mortis nuntia
Ad regna coelestia
Junianus vocatur.

9 a. Quando sancta Radegundis
In sedibus laetabundis
Regni sceptrum adiit,

9 b. Iste sanctus in aurora
Una die, una hora

Ex hoc mundo transiit.

10 a. Vitae praesentis area
Granum excussum palea
Per messores portatur

10 b. Ad horrea siderea,
Sancta gleba corporea
Nobiliaco datur.

11a. Juniane, pastor bone,
Pie pater et patrone
Pro tua familia

11b. Funde preces coram rege,
Ut nos tecum et cum grege
Laetemur in gloria.