288. De sancta Katharina.

la. Flos campi mundo floruit
In die hodierna,

1b. Flos de convalle prodiit
Ascendens ad superna.

2 a. Katharina, flos virginum,
Migrat fuso cruore,

2 b. Rosam gestans et linum
Mundum replet odore.

3 a. Haec regali

nata prosapia,
Deum sequens
reliquit omnia.

3 b. Sese spernens

cum rerum aggere
Stolam lavit

in agni sanguine.

4 a. Agnum sequens

sponsum virgineum
Illi sacrat

carnem et spiritum.

1b. Veri solis

stricta complexibus
Lunam habet

stratam sub pedibus.

5 a. Exsultent inde filiae
Vim mirantes in virgine,
Viri vires in femina.

5 b. Annos et sexum superat,
Dum decus morum roborat
In animi constantia.

6 a. Inspirata

afflatu spiritus,
Qui emittit

fontem convallibus,

6 b. Agonizat

cum viro femina,
Pugnat leo

cum agna tenera.

7 a. Post Caesarem

sophistas Caesaris
Reddit victos
verbis sophisticis.

7 b. Sed armata

stat sapientia,
Fortiorem
vicit invalida

8 a. Dam praedicat

constanter Dominum,
Se regina

regi dat omnium.

8 b. Suae ducta

mortis ad victimam
Lictor aptat
cervici frameam.

9 a. Sophistarum

coetum rebellium
Deo gignit

per evangelium.

9 b. De vulnere

ad decus virginis
Lac effluxit

pro fluxu sanguinis.

10 a. Cujus obsequiis

assistunt angeli

Et corpus collocant

in monte Sinai.

10 b. Locatur spiritus

in sinu Abrahae,
In quo nos collocet
suo precamine.