290. De sancta Katharina.

la. Dulce melos

Nunc decet fidelem chorum,
Alleluja,

1b. Virgo coetum

Celebrem vicit doctorum,
Res miranda.

2 a. Illustravit carcerem
Cibans, fovens virginem
Sol de stella:

2 b. Sol est Dei filios,
Stella mater illius
Semper clara.

3 a. Multi cum Porphyrio
Triumphant martyrio
Pari forma,

3 b. Et regina credidit,

Nondum poenas reddidit,
Fit incorrupta.

4 a. Cedrus alta Sinai,

Quam sumpserunt angeli
Valle nostra,

4 b. Jam sponso immortali
Fit sponsa de mortali
Carne sumpta.

5 a. Rota, quam gens condidit
Prava, pravos perdidit,
Vult, dum nondum credidit,
Esse caeca

5 b. Vae duris, qui aderant,
Quibusque contigerant,
Nec molire poterant
Haec praedicta.

6 a. Agmina supera
Caesam per aethera
Ferunt nec credit
gens misera.

6 b. Virginis opera
Nostrae nos libera
A malo, virgo
puerpera.