292. De sancta Katharina.

la. Lux praeclara Katharinae
Castitatis et doctrinae
Nobis facit speculum,

1b. Claris ergo vocum sonis
Ejus sacrae passionis
Efferamus titulum.

2 a. Regis nata disciplinas
Saeculares et divinas
Ad perfectum didicit,

2 b. Quam qui temptat insermone,
atim ratione
Superatus deficit.

3 a. Virgo prudens et secura
Regem saevum de cultura
Deorum coarguit,

3 b. Mutos reddit oratores,
Cultus vani defensores,
Et ad fidem imbuit.

4 a. Rex promittit et minatur,
Sed constanter aspernatur
Utrumque mens stabilis:

4b. Aspernantem ad tormenta
Jubet trahi vox cruenta
Regis exsecrabilis.

5 a. Implicantur membra rotis,
Ad torquendum quibus motis
Virgo nihil laeditur,

5 b. Sed in turbam circumstantem
Et his poenis insultantem
Vis poenarum vertitur.

6 a. Sic certante Katharina
Convertuntur cum regina
Dux et cohors militum,

6b. Quos deorum vanus cultor
Tamquam vani cultus ultor
Punit poena capitum.

7 a. Triumphatrix tot in bellis,

Licet sexu sit imbellis,

Virgo vinci nescia,

7 b. Jussu tandem ex regali
Post agones capitali
Damnatur sententia.

8 a. Mox distillat miro more
Lac effusum pro cruore,
Corpus autem cum honore
Chorus levat coelicus

8 b. Et consignat monti Sina.
De quo manat vi divina
Pro morborum medicina
Liquor aegris medicus.

9 a. Virgo, virga triumphalis,
Sponsa regis immortalis,
Nos a cunctis redde malis
Tua prece liberos,

9b. Ut sedata carnis lite
Satientur potu vitae,
Qui de vera fluens vite
Coetus alit superos.