294. De sancta Katharina.

1 a. Sicut rosa speciosa
Ex spinis exoritur,

1b. Sic de spina Katharina
Gentili progreditur.

2 a. Spina gravis, flos suavis,
Dans odorem maximum,

2 b. Radix perit, ramus gerit
Fructum suavissimum.

3 a. Haec creata, procreata
Ex regali stemmate,

3 b. Est renata, consecrata
In Christi baptismate.

4 a. Matris legem patrem regem
Sprevit ab initio,

4 b. Se subegit, quem elegit
Domini servitio.

5 a. Temporali, spiritali
Repleta scientia,

5 b. Confutavit, sed mutavit
Sapientum studia.

6 a. Qui conversi universi

Pro Christo martyrium

6b. Pertulerunt et fecerunt
De se sacrificium.

7 a. Et reginam ad divinam
Legem cum Porphyrio

7 b. Convinctavit, quos necavit
Maxentius gladio.

8 a. Desponsata, copulata

Christo regi omnium,

8 b. Recusavit nec juravit
Principis conjugium.

9 a. Mundo isto castam Christo
Exhibens se virginem,

9 b. Quem promisit, rex derisit
Auream imaginem.

10 a. Blandimenta vel tormenta,
Quae cum fine transeunt,

10 b. Mentis statum solidatum
Commovore nequeunt.

11a. Jejunando, tolerando

Fames, claustra, verbera,

11b. Non est mota mens devota
Suspirans ad supera.

12 a. Nec rotarum horrendarum
Terrore concutitur,

12 b. Qua precante vento flante
Machina confringitur.

13 a. Qua versante ex adstante
Principis familia

13 b. Consternati et necati
Sunt quatuor milia.

14a. Quod rex videns ore stridens
Totus coepit fremere,

14b. Et puellae plenus felle
Jubet caput tollere.

15 a. Quae precatur, concedatur
Ei preces fundere:

15b. Tum oravit, impetravit,
Quidquid vellet petere.

16 a. Ergo laeta, fide freta,
Gladio submittitur,

16b. Bono more pro cruore
Lac niveum funditur.

17 a. Monte Sina Katharina
Ab angelis conditur,

17 b. De qua manans aegros sanans
Oleum egreditur.

18 a. Quae nos ita in hac vita
Juvet juste vivere,

18b. Utadmontem,sanctumfontem
Possimus ascendere.