296. De sancta Eatharina.

la. Fulget dies triumphalis,
Qua triumphi virginalis
Agitur memoria,

1b. Gratulemus collaudantes
Katharinae decantantes
Laudes et praeconia.

2 a. Ut triumphi modulemur
Digne modum, deprecemur
Ejus patrocinia,

2 b. Verbo doctos superavit.
Victos verbo consecravit
Verbi plena gratia.

3 a. Istam rex incarceravit,
Quam coelestis illustravit
Lux obscuri nescia,

3 b. Is qui suos non relinquit
Suam pavit, pascens inquit:
Constans esto, filia.

4 a. Haec ducentis lux illuxit,
Ad superna quos perduxit
Via malis invia.

4 b. Haec uxorem regis lavit
A peccatis, quam roravit
Deitatis pluvia.

5 a. Rotae qui tormentum triste
Concremasti, nobis, Christe,
Desuper irradia;

5 b. Patri jungat nos aeterno,
Cui turma de superno
Caesae venit obvia.