298. De sancta Katharina.

la. Triumphanti

verbo et sanguine
Gaude Sion

in tua virgine,
Regna mundi

pro Christi nomine
Respuenti.

1b. Katharinae

pangat martyrium
Pari voto

chorus fidelium
Mente pura

conceptus cordium
Exuenti.

2 a. Nata virgo

ex Alexandria,
Costi regis

unica filia,
Divinitus
omni scientia
Erudita,

2 b. Cum videret

Dis sacrificium
Offerentes

turbas gentilium,
Ad eorum

regem Maxentium
Ait ita:

3 a. Istud templum non mireris,
Ne daemones, sed preceris
Coeli, terrae Dominum,

3 b. Ipse est Deus deorum,
Lapsorum spes et reorum
Venia, lux luminum.

4 a. Diis conjunctos oratores
Caesar vocat, ut victores
Supedirent virginem,

4 b. Sed credentes veritati
Decollantur baptizati

Proprium per sanguinem.

5 a. Caesar furit, quia videt,
Quod tormentis virgo ridet
Nil cedens supplicio ;

5 b. Denudatur, flagellatur,
Carcerali poenae datur
Sic jubente impio.

6 a. Hanc regina dum solatur,
Christiana dilatatur
Per ipsam religio:

6b. Quod cum regi nunciatur,
A profanis jugulatur
Una cum Porphyrio.

7 a. Hanc Christus cum virginali
Coetu visit spiritali
Illustratam sidere,

7 b. Caesar furit et tabescit,
Quibus perdat ipsam nescit
Nec potest subvertere.

8 a. Illi rotae applicantur,
Quibus gentiles mactantur
Sed intacta virgine,

8b. Tandem dempta a cohorte
Condemnatur dira morte
Lac fundens pro sanguine.

9 a. Katharina
Monte Sina
Tumulatur
Et liquatur
Oleum de tumulo:

9b. Reddit gressum,
Levat fessum,
Surdus audit,
Mutus plaudit
Fatus adminiculo.

10 a. Ave, virgo, martyr, ave,
Servos tuos tollas a vae,
Onus nobis leves grave,
Christo reconcilia.

10 b. Assistentes tuis festis
Custodi nos ab incestis,
Ne nos terat mundi pestis
Et inanis gloria.