313. De sancto Lazaro.

la. Triumphali gloria,
Felici concordia
Lazari praeconia
Casta proles insonet,

1b. Lux lucet, qua obvia
Coelestis militia
Ad laeta convivia

Hunc concivem admonet.

2 a. Fontisebraldi collis,
Quae hunc diem recolis,
Jam cum coenobieolis
Lauda, plaude, praedica.

2 b. Hunc regalis sobolis
Principem Jebus polis,
Quem pro patrono colis,
Tibi jure vendica.

3 a. Si quaens miracula,
Generis pinnacula,
Gesta, mores, singula
Visu mentis aspice ;

3 b. Hic vir sine macula
Terrena piacula
In aeterna saecula
Transvehit mirifice.

4 a. Flagrat flos infantiae
Rore pudicitiae,
Fervens stat in acie
Vir potens in proelio.

4b. Hilarata facie
Deditos moestitiae
Statuit laetitiae
Factis et eloquio.

5 a. Cibat, a quo pascitur,
Invitans suscipitur,
Omni danti largitur,
Cunctis claret titulis.

5 b. Dum languore teritur,
Pius hospes quaeritur,
Distulit, sed flectitur
Sororum oraculis.

6 a. Nedum stat in limine
Jesus, ambae feminae
In fidei lumine

Ferunt voce humili:

5 b. Si fuisses, Domine,
Non mortis examine
Frater sub velamine
Clauderetur sigilli.

7 a. Hunc orbatis vocibus,
Alternatis vicibus,
Repetitis precibus
Flectunt inflexibilem.

7 b. Ora rigat fletibus,
Fremit cor singultibus,
Ubi, ait stantibus,
Posuistis flebilem?

8 a. Exorat ad tumulum

Solvens mortis vinculum,
Clamat vitae pabulum:
Veni foras, Lazare I

8 b. O sanctorum speculum,
O salutis poculum,
Fac nos post hoc saeculum
Celsa coeli scandere.