316. De sancto Leonhardo.

la. Psallat chorus et laetetur
Et beatum veneretur
Leonhardum, per quem detur
Nobis salus omnibus.

1b. Omnes clament exsultantes,
Venerentur iubilantes,
Sancto Dei laudes dantes
Ex devotis mentibus.

2 a. Ex regali stirpe natus
Adolescens Deo gratus
Sanctitatem sui status
Patefecit omnibus

2 b. Clarus ortu, clarus vita,
Actu verus coenobita,
Tandem fulsit eremita
Condensis nemoribus.

3 a. Tunc vir Dei praedicare
Coepit fide et sanare
Aegros atque liberare
Pressos a daemonibus.

3 b. Hic carceri deputatos,
Compedibus mancipatos,
Absolvit atque damnatos
Pro multis criminibus.

4a. Hic reginam proclamantem
Et in partu laborantem
Liberavit et infantem
Reddidit parentibus.

4 b. Hac de causa rex legavit
Silvam, quam Me peragravit
In asello et signavit
Ejus certis gressibus.

5 a. Ecclesiam hic fundavit
Et monachos aggregavit,
Ipsam quoque consecravit
Matris Dei laudibus.

5 b. Longe distans a torrente
Orat Deum pura mente
Et scaturit fons repente
Cunctis loci civibus.

6a. O quam sanctus, cujus laudi
Cedit quidquid fine claudi
Potest, nostras voces audi
Dans favorem precibus.

6 b. Mulce tristes, aegros sana,
Rege gressus, iter plana,
Ne labatur mens humana
Mortis durae sordibus.

7 a. Leonharde, serve Dei,
Munimentum nostrae spei,
Te rogamus licet rei,
Sta pro peccatoribus.

7 b. Pietatem imploramus

Summi regis, quem rogamus,
Ut det nobis, quem optamus,
Locum in coelestibus.