321. De sancto Macnlpho.

la. Venerando confessori

Nostri psallat coetus chori
Decantans Alleluja,

1b. Qui adepta potiori
Dignitate celsiori
Coeli est in regia.

2 a. Hujus vita confessoris
Ab ascensu primi floris
Sancta et laudabilis,

2b. Digna laude creatoris
In exemplum est honoris
Cunctis imitabilis.

3 a. Ut devotus Christi miles
Infra annos pueriles
Totum sese contulit

3 b. Christi cultus ad serviles,
Ubi satis juveniles
Carnis aestus pertulit.

4 a. Quibus victis bono fine
Civitatis Constantinae
Praesuli committitur,

4b. Per quem legis ad divinae
Sanctitatis et doctrinae
Ordines provehitur.

5 a. Ut fidelis dispensator
Monachorum factus pastor
Gregem suum non turbavit.

5 b. Sed ut prudens legislator
Et ut sagax procurator
Eum verbo vitae pavit.

6 a. Per istius sanctitatem
Consequuntur sanitatem
Debiles, lunatici,

6 b. Claudi gressus firmitatem,
Caeci visus novitatem,
Sensum daemoniaci.

7 a. Surdis usus aurium,
Salus imbecillium
Ac mutis eloquium

Per Maculphum redditur ;

7 b. Morbus, quem nos regium
Ob naturam vermium
Carnem infestantium
Vocamus, expellitur.

8 a. Hujus patris tam praeclari,
Ne mergamur in hoc mari
Poscamus suffragia,

8b. Quo possimus gratulari,
Postulemus nobis dari
Paradisi gaudia.