330. De s. Maria Aegyptiaea.

la. Recordentur mentes piae
Vitae sursum spem Mariae
Datam in coelestibus,

1b. Nolens mortem peccatorum
Quam mundavit rex coeloruin
Suis a reatibus.

2 a. Derelinquens patriam
Venit Alexandriam
Libidine polluta,

2 b. Sed Mariae virginis
Ope plenitudinis
Est gratiam secuta.

3 a. Orans enim cum audiret,
Quod, Jordanem si transiret,
Mereretur requiem,

3 b. Matrem Christi salutavit
Et abscedens adoravit
Ipsius effigiem.

4 a. Gemendo gradiens
per solitudinem,
Elongans, fugiens,
Non videns hominem,
Avem ant bestiam,

4b. Eam persequitur

Exclamans Zosimas.
Stat atque loquitur
Fundendo lacrimas.
Pandens miseriam.

5 a. Audit senex, serva Dei
Dum, quod egit, refert ei,
Stupet ille modum rei
Devote considerans.

5 b. Quia gelus prae rigore
Saepe stridens, nequiore
Torrebatur a calore,
Haec pro Deo tolerans.

6 a. Pede sicco transitura
Signat aquas et futura
Praevidet in spiritu,

6 b. Sursum pendens elevatur
Et splendore perlustratur
Orando et gemitu.

7 a. Transeunti cum tropbaeo
Praesens adest ingens leo
Parans ejus tumulum ;

7 b. Quod Maria vocaretur,
Scriptum senex intuetur
Mox in terra titulum.

8 a. Preces ergo per Mariae
Donet Christus, ut in die
Nubis et caliginis

8 b. Valeamus esse sui
Et cum eo vera frui
Claritate luminis.