332. De s. Maria Magdalena,

1. Summi nutu Domini,
Cujus sancto nomini
Det laudes ecclesia,

2 a. De palma martyrii
Katharinae virginis
Agimus solemnia.

2 b. Jucundemur tympanis,
Modulemur organis
Illius praeconia.

3 a. Rege nata regias
Contempsit delicias
Et fortunae copias,

3 b. Annis puerilibus
Orbata parentibus
Adbaesit coelestibus.

4 a. Inter fluxus sanguinis
Nefandi libaminis
Reprobavit impium
Audacter Maxentium.

4b. Illam philosophica
Non vicit rhethorica,
Sed vanam peritiam
Convertit ad gloriam.

5 a. Ut plectatur,
Fabricatur
Duplex rota,
Sed hac mota
Prava perit concio,

5 b. In regina
Katharina
Comprobatur,
Quando datur
Fides et Porphyrio.

6 a, Fit insanus
Rex profanus,
Cupit tamen
Hoc solamen

Sibi pro tot perditis.

6 b. Hanc hortatur,
Hanc precatur,
Haec non curat
Sed obturat

Aures ejus precibus.

7 a. Tandem jussa decollari
Poscit sibi tempus dari,
Ut se petenti veniam
Impetraret per gratiam.

7 b. Dum a saevo percussore
Decollatur, pro cruore
Lactis emanat rivulus,
Quem sacer fudit jugulus.

8 a. Adest coetus angelorum,
Glorioso raptu quorum
Katharina
Monte Sina

Collocata conditur.

8 b. Cujus corpus pretiosum
Velut fontem copiosum
Redivivum
Dat olivam

Sicut et nunc cernitur.

9. Cujus nos auxilium
Apud regem omnium
Commendet per saecula;
Amen dicant omnia.