335. De sancto Martino.

la. Miles mirae probitatis,
Martinus, lux sanctitatis,
Sacerdotum gloria,

1b. Armis cessit vanitatis,
Tenens fidem trinitatis,
Sanctus ab infantia.

2 a. Regularis, militaris,
Praesularis, singularis
Vitae fulgens gratia,

2 b. Tibi caris dum precaris,
Expers paris comprobaris,
Conferre remedia.

3 a. Innotescis toti mundo,

Qui jam regnas corde mundo
In Dei praesentia,

3 b. Nunc devote supplicanti
Choro pro te jucundanti
Largire subsidia.

4 a. Ut qui tibi sunt subjecti,
Per te tute sint protecti
Ab hostis astutia,

4b. Sed et sursum sint subvecti
Et cum sanctis sint refecti
Superna laetitia.