345. In Translatione s. Martini.

1. Laudes summi confessoris
Extollamus cordis, oris
Dulci cum melodia.

2 a. Dulci viro
Cantu miro
Jubilemus,
Qui tenemus
Ejus beneficia.

2 b. Dulcis foris
Sit laus oris
Laeto corde
Sed a sorde
Munda conscientia.

3 a. Tanti patris tam insignis,
Quem declarat miris signis

Divina potentia,
Praesens nobis

adest festivitas,
Turonorum

exsultet civitas,
Plebs ipsius propria.

3 b. In Martini die festo,

Chorus noster, laetus esto

Solemni laetitia,
Insistendo

laudibus praesulis,
Quem praeclarum
multis miraculis
Recolit ecclesia.

4 a. Hic egeno non invitus
Testem suam est partitus
In hieme media,

4b. Sed de veste data nudo
Angelorum multitudo
Laeta fit in gloria.

5 a. Gentes orbe de remoto
Cedunt viri sancti voto
Et remittunt proelia:

5 b. Latro cedit et salvatur
Et relicta baptizatur
Credens idolatria.

6 a. Cujus sancti prece pura
Mors amittit sua jura
Et infernus spolia ;
Reddens catechuminum
Pro quo pulsant Dominum
Martini suspiria.

6 b. Alter laqueo suspensus
Ad vitales redit sensus

Per hujus suffragia,
Pollens his virtutibus
Datus est hominibus
Praesul ac custodia.

7 a. Praesul factus
Sed coactus,
Sicut bonus
Pastor onus

Sumit, non fastigia,

7 b. Nec virtutum
Iter tutum
Aufert ei
Fastus rei

Nec flectit ad vitia.

8 a. Haee ostendunt ejus facta,
Prius cadens retroacta
Et puellae membra nacta
Salutem debilia.

8 b. Videns caecus, loquens mutus,
Claudus gressum consecutus
Et defunctus restitutus
Vitae vice tertia.

9 a. O beata virtus viri,
Cui par nequit inveniri,
Quem in tantis exaudiri
Reserat historia.

9 b. Qui cor habens in divinis,
Legi carnis non acclinis,
Sciens horam sui finis
Migrat ad coelestia.

10 a. Hic de mundo mundus ita
Migrans vir Israelita,
Dum transiret ab hac vita,
Angelorum est audita
In coelis harmonia.

10b. Nunc in choro angelorum
Adstans decus confessorum,
Sume vota servulorum,
Per quae nobis peccatorum
Detur indulgentia.