346. In Reversione s. Martini.

la. Laeta dies et votiva,
Dies festa, dies nova,
Nova refert gaudia ;

1b. Exsultemus et laetemur,
In hac die gloriemur,
Concrepet melodia.

2 a. Mens jubilet medullata,
Vox resultet modulata,
Martinus revertitur;

2 b. Laus erumpat libera
Vivae vocis opera,
Martinus excipitur.

3 a. Vi bellorum abierat,
Deportatus exstiterat,
Tota luget regio,

3 b. Quo tardente crescit luctus,
Maeror cleri, gravis quaestus
Corporis exsilio.

4 a. E diverso plausu miro
Exsultavit hoc thesauro
Urbs Antisiodora.

4b. Cedunt arma, pax redditur,
Margarita reposcitur,
Praesul urbis renuit.

5 a. Turo regem interpellat,

Reddi gemmam ut compellat,
Petisse nil profuit.

5 b. Spe frustrati sic redeunt,
Spe fulti Christum adeunt:
Adsis nobis coelitus.

6 a. Audi preces, suspiria,
Te Martini memoria
Nostri tangant gemitus.

6 b. Mi dilecte revertere,
O Martine, revertere,
Propera velocius.

7 a. Sic exclamant nec incassum,
Adest potens dicens, assum
Comes Ingelgerius.

7 b. Vadam ipse, et reducam
Sacrae domus hujus arcam,
It Antisiodorum.

8a. Dum festinat, clerus orat,
Plebs jejunat et deplorat:
Veni, pater pauperum.

8 b. Comes instat, reddant corpus
Datur, ferunt gratum opus,
Deducunt cum laudibus.

9 a. Intrat pastor provinciam,
Grex mox sentit praesentiam
Mirandis virtutibus.

9b. Martino repatriante

Dextra, laeva, post et ante
Morbus cedit gratiae.

10a. Plantae virent, veniant flore,
Fngit hiems prae duleore
Revertentis gloriae.

10 b. Obviam pergit civitas.

Plaudit, gandet omnes aetas,
Grandis est laetitia.

11 a. Repausat hic arca sancti,
Referta manna coelesti,
Martini tiraesentia.

11b. Quod cupivi, jam video,
Quod speravi, jam teneo.
Martinum in gloria.

12 a. Haee est aula praedilecta,
Gemma fulgens, margarita.
Revirent haec atria.

12 b. Nos in lecto cum dilecto
Quiescamus et in alto
Sonet evangelium.