347. De sancto )Mauririo.

1. Hac die solemni voces
persultemus jubili.

2 a. Laudum grates devote
modulantes spiritus
et sensuum gestibus

2 b. Christo regi mortalis
factus qui nos homines
Dei fecit liberos.

3 a. Magnus innocens
passionem subiens,
Ut. qui laverunt stolas suae
Christianitatis
purpurante
agni sanguine,
haeredes habeat.

3 b. Quibus indui

hi Thebaei martyres

Hierosolymis meruerunt

primitus, hinc Romam

adeuntes

apostolico

firmantur praesule.

4 a. Ut spontaneo

penderent sanguine
vitaeciue defectu carneae
vitam sine finis limite.

4 b. Quos emeritus
ductor Mauririas
ut erexerat ad agonem.
sic duxit et ad victoriam.

5 a. Nam plebs Domini
a firmitate fidei

5 b. Minis impii

nequaquam quivit movere.

6 a. Petens coelica,

parvipendens terrena.

6 b. O quot martyrum
pretiosae animae

7 a. Coeli patriam

possederunt hac die.

7 b. Fide stabiles,
sanctitate pariles.

8 a. Clari genere

virtuteque gloriosi.

Deo pleni

Viri strenui sexcenti

et sexageni

sub sex primoribus

sena milia.

8 b. Quos cum perfidus
incitat ad adoranda
simulacra,

Hi praeponentes offensam
celsi tonantis
hoc fore denegant
fantes talia:

9 a. Tibi carnis

impendimus militiam,

9 b. Deo nostro

spirituum munditiam.

10 a. Hinc mox jubentur
decimari,

10 b. Omnes non cedunt
exstirpandi.

11a. Illuxit dies,

quam dedit Dominus,

Suos fideles

ad coeli lumen

ex mundi tenebris vocari.

11b Maximianus

nam jussit impius,

Christicolarum

se spernentium

tot milia neci simul dari.

12 a. Quod taliter
ordinis deserti
crescit numerus,

12 b. Favent etiam
elementa mundi
complaudentia.

13 a. Laudent simul,
homines tot
ad coelos evolasse,

13 b. Subsequendi
spem habentes
telluris indigenae.

14 a. Et nos die ista
exoramus,
ut per te
propitius veniat,

14 b. Mauriti, Dominus
atque nobis
fautrix haec
legio, quo capiat

15. Nos regio,

qua dant laudes

chori coelorum regnanti.