353. De sancto Michaele.

la. Trinae regi hierarchiae
Cantum dulcis melodiae
Nostra det devotio,

1b. Mira laus epiphaniae
Summae vocat harmoniac
Flammas ire solio.

2 a. Aula dominantium,
Virtus mirabilium,
Vis fugatur hostium
Est hyperphaniae.

2 b. Decus principatuum,
Robur exercituum,
Solamen spirituum
Est hypophaniae.

3 a. Sic ter ordo triplicatur,
In quo digne principatur
Gloriosus Michael:

3 b. Per hunc draco superatur,
Hoc per nubem liberatur
Quondam dictus Israel.

4 a. Hic est coeli lumen clarum,
Deductivum animarum
Per deserti invia:

4b. Hostes laedit et obscurat,
Nos praecedit et depurat
V itae pandens ostia,.

5 a. Antichristum conteret,
Crucem Christi proferet
Die visitationis ;

5 b. Meritis nos aggeret,
Ut tunc nobis reseret

Portam summae mansionis.