354. In Apparitione s. Michaelis.

la. Laetabundus

Exsultet fidelis chorus,
Alleluia,

1b. Nam factum est

Proelium in coelis magnum,
Res miranda.

2 a. Michael, quis ut Deus,
Lucifer primus reus
Gerunt bella,

2 b. Casum rapit lucifer,
Regna tenet signifer
Semper clara.

3 a. Sicut draco dissonis
Compunitur angelis
Pari forma,

3 b. Michael sic cum bonis
Fruitur deliciis
Certa norma.

4 a. Boni nobis angeli
Defensores sunt missi
Valle nostra,

4 b. Ne fraude diaboli
Nos erremus devii
Carne prompta.

5 a. Isaias cecinit,

Lucifer cum cecidit,
Qui post semper tenuit
Loca caeca.

5 b. Quem Michael protegit,
Causam casus refugit,
Cauta mente meminit
Haec praedicta.

6 a. Nunc coeli milites.
Pro nobis vigiles,
Precemur supplices
Prece pia,

6 b. Ut post haec funera
Procurent gaudia
Nobis coelorum
In patria.