355. De sancta Mildretha.

1 a. Christe, salus hominum,
angelorum gloria,

1b. Nostro niodulamini
adsint coeli agmina.

2 a. Tantam qui

concedis gratiam
mirincisque
muneribus cumulas

2b. Mildretham,

tibi devotissimam ;

unde debita

damus laudum cantica.

3 a. Quia tua magnalia,

Christe, nobis commendant

inclita

sanctorum merita,

3 b. Mundo per saecula nota ;
exaudi, Deus, nostra
carmina
devotissima.

4 a. Ecce, quam glorificas
tibi adamatam,
regia stirpe progenitam
puellam,

4b. Degentem virginea
gratia vexabant
daemoniorum praestigia
gravia.

5 a. Instinctu denique pessimo
ardenti clibano mittitur,
quam tu protexeras
et illaesam
conservaveras.

5 b. Ob ejus merita inclita
omnes tibi dicimus gratias,
ut per ejus suffragia
consequamur
coeli gaudia.

6 a. Frequentabant angelorum
hanc sanctorum obsequia,

6 b. Angelicae puritatis
condecoratam gloria.

7 a. Evidenter

virginem spiritus

[paracliti]

sancti visitat gratia,

7 b. Caput ejus

et membra protegens ;
O quam digna
sanctitatis indicia.

8 a. Cujus per meritum
illustrantur pignoris
gratia

8b. Ejus ovilia
et reconsignata
agmina.

9 a. Ergo, pie Domine,
per ejus suffragia
suscipe carmina ;
Ave tibi laude devota

9 b. Concinimus consona ;
ascendant, quaesumus,
precum oramina
et tua sustenta dextera

10 a. Nostrorum
infima virium
virtutum dans nobis
charismata,

10b. Ne ira

tua nos puniat,
sed hostis depellas
insidias

11. Et famulis perpetuam
concedas gratiam.