356. De ss. Nazario et Celso.

la. Adsit nobis dies laeta,
Dies pacis, lux quieta,
Dies plena gaudio.

1b. Dies celsa, dies grata,
Dies Celso dedicata
Simul et Nazario.

2 a. In aetate pupillari
Christum Celsus imitari
Didicit liberius,

2 b. Cui vitae rudimentum
Et baptismi sacramentum
Contulit Nazarius.

3 a. Hi probati sunt reperti
Dum tormenta sunt experti
Anolini praesidis,

3 b. Nec per minas Denobai
Valuerunt. fortes trahi
Ad votum tyrannidis.

4 a. Jubet Nero fraudulentus,
Ut sit martyr Christi tentus,
Cujus rei dux est Dentus,
Miles incompositus.

4 b. Nexus ferens et dolores
Flagra sprevit et terrores,
Mox torquendus post tortores
Currit puer inclitus.

5 a. Nero, feras dum venatur,
Ab eisdem vulneratur
Et suorum pars necatur
Ferarum ferocia.

5 b. A splendore sacri vultus
Clamor cessat et tumultus,
Commendatur Dei cultus
Visa lucis gloria.

6 a. Larvis deum dissipatis
Nero, fomes falsitatis,
Dat piratis in mandatis,
Martyrem submergere,

6b. Quos emersus in momento
Laborantes gravi vento
Spiritali documento
Fecit Christo credere.

7 a. Jam securi de coronis
Et de veris Dei bonis
Suae locum passionis
Christi testes adeunt,

7 b. Hic germanis destitutis
Verba verae dant salutis,
Quibus rite persecutis
Ad agonem prodeunl.

8 a. Quos immitis Anolinus
Feritatis pandens sinus
Eversis luminibus

8 b. Ad tres Moros duci jussit,

Ibi lictor hos percussit

Resectis capitibus.

9 a. Sic pro Jesu Christo secti

A devotis sunt collecti

Et sepulti sedulo,

9 b. Aegris curam largientes,
Prece culpas remittentes
Supplicanti populo.

10 a. Ergo, testes Deo cari,
Celse puer et Nazari,
Preco coeli curiae,

10 b. Conservate gregem istum
Exorantes Jesum Christum
Pro nostrorum requie.