358. De sancta Neomadia.

1 a. Plaudat chorus coelicus
In festo Neomadiae,

1b. Et clerus authenticus.
Cum sono laetitiae.

2 a. Haec est flos munditiae,
Sonus apostolicus,

2 b. Per hanc morbus hodie
Fugit epilenticus.

3 a. In agro Pictavico
Fuit haec plantata

3 b. Et jussu dominico
Ibi radicata.

4 a. Mente desiccata,
Ne fluat in Jericho,

4 b. Sole radiata

Splendore mirifico.

5 a. De stirpe Bonfaii
Refulsit haec stella,

5 b. Thronus est imperii
Et sedentis sella.

6 a. Dulcior quam mella,
Alba ut flos lilii,

6b. Refulgens puella
Lenis ut ros Maii.

7 a. Per hanc Deus visitat
Caduce labentes,

7 b. Et eos sollicitat

Et facit levantes.

8 a. Piam exorantes,

Quae supremum excitat,

8 b. Ut servet rogantes,

Quos morbos implicat.

9 a. Solemnis basilica

Per hanc veneratur,
Nam pestis levitica
Ibidem fugatur.

9 b. A clade pestifera

Morbidus curatur,
Virtute deifica
Pressus consolatur.