360. De sancto Nicasio.

1. Psallat nostra concio
Coeleati tripudio
Summa cum laetitia,

2a. Victori Nicasio
Coeti patet regio
Peracta victoria.

2 b. Victor dictas nomine
Palmam ferens sanguine
Data Christi gratia.

3 a. Devastatur regio
Armis et incendio
Dei patientia.

3 b. Optantes auxilium,
Quaerentes refugium
Remis poscunt moenia.

4a. Occurrit furentibus
Pontifex Nicasius
Manuque pacifica
Indicit silentia.

4b. Hostibus objiciens
Se mactari cupiens
Salutaris hostia,
Qua salvatur patria.

5 a. Caedit lictor,
Canit victor,
Quem incepit,
Os complevit.

Psalmum cum melodia.

5b. Ait soror:
Quid remoror
Vindicare
Et plorare

Tanta pro victoria.

6 a. Jugulasti sacerdotem,
Ut corrumpas castitatem,
Magna est insania,

6 b. Nam castitas conservatur
Et sacerdos coronatur
In coelesti gloria.

7 a. Non feminea virtute
Sed divina potestate
A fronte luminaria
Revulsit Eutropia.

7 b. Illa victrix, ille victus,
Percussoris adest ictus,
Consummatur agonia
Virginali victoria.

8 a. Gratulatur plebs civilis,
Quia fugit pars hortilis,
Timent hostes fugientes,
Redeunt ad propria.

8 b. Sancta martyr, pia virgo,
Nos in hujus vitae pirgo
Sic deducas, ut perducas
Ad coeti palatia,

9. Ubi laeti

cantemus alleluja.