361. De sancto Nicasio.

la. Gloriosi

Praesulis Nicasii

Reverendis attollamus

Canticis solemnia.

1b. Ut stupendis

Titulis gymnasii
Reverenter adjungamus
Martyris magualia.

2 a. Triumphale signat nomen
Et triumphi spondet omen
Et sentit mysteria,

2 b. Cujus si quis vim exponat,

In virtutem tota sonat

Nominis potentia.

3 a. In palaestra Christiana
Miles Christi spernens vana
Saulis insignia,

3 b. Vices David assumebat
Et in hostes procedebat
Ferens pastoralia.

4 a. Ferens fundam, ferens peram
Et in pera fidem veram,
Quae expugnat omnia,

4b. E fanda lapis mittitur,
Dum de constanti promitur
Christus conscientia.

5 a. Dum in unum conveniret,
Ut in Christum desaeviret,
Hunnorum vesania,

5 b. Membra Christi protegebat
Et pro eis opponebat
Caput ad martyria.

6 a. O res mira et stupenda,
In qua stupet exprimenda
Quaevis aetas sobria,

6 b. Caput martyr decollatus
Immolatum immolatus
Tulit ad altaria.

7 a. Caesum caput ferebatur,
Lingua tamen loquebatur
Salutis praeconia,

7 b. Hic est martyr veritatis,
Semper vera pro gravatis
Ministrans auxilia.

8. Hunc precantes amplectamur,
Ut per ipsum muniamur
Contra quaevis noxia.