364. De sancto Nicolao.

la. Dulcis odor Nicolai
Cogit omnes ad se trahi
Salus aegris,

lapsis praesidium.

1b. Major virtus huic quam aetas,
Nam aetatis transit metas
Feriarum

servans jejunium.

2 a. Auro servat castitatem
Et commendat trinitatem
Facta tribus
trina collatio.

2 b. In frumento laus augmenti,
Clamant nautae, cessant venti,
Vas redditur
patri cum filio.

3 a. Castus, prudens et benignus,
Pastorali gradu dignus
Voce lapsa

probatur coelitus.

3 b. Corporales morbos sanat
Liquor, qui de membris manat,
Prece pia

sanatur spiritus.

4a. Commendati pro natura
Flagellatur in pictura,
Iconiae

passae compatitur.

4b. Reddi cogit theloneum,

Sanctum laudat credit Deum,
A pagano

templum construitur.

5 a. Civis quidam, cui Judaeus
Aurum credit, fraudis reus
Comperitur

confracto baculo.

5b. Suscitatur suffocatus,
Videns credit et renatus
Insignitur

Christi signaculo.

6 a. Magna virtus servi Dei,
Mira fides et Judaei,
Qui contemptus
fuit hoc obside.

6 b. Imitemur et nos ei,
Porta vitae, portus spei
Militanti

sub tanto praeside.