369. In Translatione s. Nicolai.

1. Gratias et laudes Deo
reddamus cum gaudio

2 a. In hac festiva die,
cum Barenses Myreum
mare naufragando pervenere,

2 b. Ex his quidam in portu
remansere, munita
pars venit ecclesiam occurrens.

3a. Dicunt custodibus:
nos orare venimus,
Sepulchrum sancti praesulis
Nicolai ostendite nobis.

3 b. Quod servi monstrantes
invadunt hos Barenses,
Fregerunt vas marmoreum,
senserunt odorem Libani.

4a. Extraxerunt corpus sancti
veste presbyteri,
praetulerunt ad
portum navigii.

4 b. Tunc per aequor navigantes
Barim deponentes
ubi laudatur,
coelo canitur

5. Alleluja.