372. De s. Oswaldo Rege.

la. Regis Oswaldi inclita

1b. Christo canamus merita.

2 a. Rex erat in terra

sed regis coeli vernula,

2 b. Sceptra regalia

ornat Christi militia.

3 a. Pauperum dextra,
principum laurea
et Christi crucis assecla.

3b. Mente fervebat
rector Christicola
cruce vincens belligera.

4 a. Tendebat in hunc acies
impia
vibrans hostia spicula,

4b. Oswaldus crucis vexillum
elevat
et in hoc signo superat.

5 a. Crux, regis fide sacrata,
multos a
clade sanat varia.

5 b. Gentes respuunt idola
et crucis
adorant suffragia.

6 a. Oswaldus Dominum
in sua inducit
ubique regnantem regna.

6 b. Fundat ecclesias,
dat opes, illustrat
omnes luce Christigenas.

7 a. Sumpserat Aidanum
in divinam
hierarchiam evangelii.

7 b. Praedicat sacer doctor,
rex interpres
edebat clare dogmata.

8 a. Jam poscunt

civem dignum aethera,

8 b. Jam venit

ad coronae stadia.

9 a. Bellans pro Christo
genteque sua
profert cadentum vulnera.

9b. Projicit mortis
arma et arma
Christi vestit fortissima.

10 a. Tendit ad crucifixum
brachia,
fit martyr patientia.

10 b. Coelo libat animas
ad astra
et Christi ruit hostia.

11a. Terra, qua occubuit,
salvat homines
simul et jumenta
et fugat incendia.

11b. Terra quoque lavacro
sancti respersa
pellit daemonia
et est salutifera.

12 a. Dignum celebrat
aethera
columna lucis effusa:

12 b. Manent brachia
integra
inopes refoventia.

13 a. Lignum praefixi capitis
carat mortis discrimina,

13 b. Quin et in regna extera
sancti lucent subsidia.

14. Rex martyr et coelicola,
Oswalde,
Christo nos reconcilia.