374. De sancto Pantaleone.

la. Diem sacrae passionis
Beati Panthaleonis
Celebret haec concio,

1b. Cum fructu devotionis
Et cum operibus bonis
Fiat celebratio.

2 a. Hic in adolescentia
De physicae scientia
Docetur in studio,

2 b. Hermolaus ab impia
Quem trahit idolatria
Divino consilio.

3 a. Pergens ad patrem propere
Videt stratum puerum
Defunctum viru viperae,
Petit patrem superum:

3 b. Si sum dignus te poscere,
Vitae dator munerum,
Hunc vivere sed rumpere
Fac anguem mortiferum.

4a. Quod petit annuitur,
Nam defuncto redditur
Vita, serpens rumpitur,
Puer baptizatur.

4 b. Panthaleon igitur
Sacro fonte tingitur,
Signis, ut ostenditur,
Virtutum ornatur.

5 a. Caecus lumen recuperat,
Quo pater, qui coluerat
Non Deum sed idola,

5 b. Tunc ad baptismum properat,
Deos, quos adoraverat,
Frangens ut christicola.

6 a. Paraliticus sanatur,
Cum pro eo deprecatur
Sanctus regem gloriae,

6 b. In hoc Christus exaltatur,
Falsus omnino probatur
Cultus idolatriae.

7 a. Distentus in equuleo

Flammas diras fert in eo
Lampadum ardentium,

7 b. Et in ardore plumbeo
Comitante sibi Deo
Datur refrigerium.

8 a. Ejus collo

mola suspenditur,
Mole cujus

aquis non mergitur,
Cum in altum

mare projicitur,
Sed ad litus

sospes regreditur
Domino comite,

8b. Hoc eventu

judex irascitur,
Cujus jussu

vir sanctus trahitur
Esca feris,

sed nunquam laeditur
Pedem ejus,

qui vinclis stringitur,
Lingunt ut domitae.

9 a. Super rotam elevatur,

Cum qua de monte pulsatur,
Ruens illaesus servatur,
Sternitur gens noxia.

9 b. Ferrae motus reputatur
Diis iratis, sed monstratur
His confractis, quod reddatur
Uni Deo gloria.

10 a. Sub oliva

collo percutitur,
Ensis hebes

ut cera redditur,
Tandem sancti

caput abscinditur,
Pro cruore

lac inde cernitur
Emanare.

10 b. Tunc repente

fructus emittitur
Ab oliva,

coelo suscipitur
Is, pro Christo

qui mortem patitur ;
Tu nos, Christe,
regno quo potitur,
Fac regnare.