376. De sancto Patroclo.

1. Patris nostri Patrocli festa
recolamus annua.

2 a. Jucunda in honore
ejus carmina

2 b. Hac die depromamus
laude consona.

3 a. Qui contra persecutorum
acta dimicans inania

3 b. Exemplo suo in tota

sanctos confortabat Gallia.

4 a. Christi munere
qui veluti
terram calcavit maria,

4b. Hinc ambulante
stagna quadri
sustentabat tumentia.

5 a. Aureliani varia
contempsit supplicia

5 b. Usque ad mortem fortiter
certans pro justitia.

6 a. Martyris istius
quanta sint
apud Dominum merita,

6b. Plurima testantur
ad tumbam
ejus visa miracula.

7 a. Hunc prae ceteris
diligit Trecensis
ecclesia,

7 b. Quae corpus ejus
amplectitur, felix
est patria.

8 a. Tanti ergo patroni
festa colamus
hilares solemnia.

8 b. Sancte Patrocle, martyr
egregie, nos
tuos supplices adjuva,

9 a. Ut nostra relaxentur
facinora

cunctaque praestentur
prospera,

9 b. Ut post hujus vitae
curricula
tecum in gloria
maneamus

10. Aeterna.