378. In Conversione s. Pauli.

la. In coelesti hierarchia
Nova sonet haemonia
Novo ducta cantico,

1b. Cui concordet in hac via
Conversorum melodia
Paulo psallens modico.

2 a. Ex Aegypto vastitatis
Vas electum ornat gratis
Christus, auctor saeculi,

2b. In fiscella paupertatis
Flumen transit vanitatis
Pro salute populi.

3 a. In furore animi
Persecutor Domini
Cadens excitatur,

3 b. Parens Christo trahitur,
Ad baptismum ducitur,
Mundo destinatur.

4 a. Hic electus praedicator,
Hic Elias aemulator
Et detestans crimina,

4b. Vulpes dissipat Samsonis
Et in tuba Gedeonis
Hostis fugat agmina.

5 a. A defunctis revocatum
Alto lapsum dat sanatum
Vivens adhuc corpore,

5 b. Verbo crucis orbis cedit,
Paganorum turba credit,
Docta Dei munere.

6 a. Felix, per quem gaudia
Tota jam ecclesia
Sumens exaltatur,

6 b. Clericis laetitia
Et conversis gloria
Secum collaeatur.

7 a. Ab quam probat carnis florem,
Omnem superans candorem
Lactis exundantia !

7 b. Aegri currunt et curantur,
Caeci, claudi reparantur
Virtutum frequentia.

8 a. Laudes hinc cum tripudio
Paulo demus eximio
Voce plena,

8 b. Clama petens suifragia
Ejus sequens vestigia
Plebs egena.

9 a. Sed tu, doctor pie, bone
Pastor gregis et patrone,
Prece semper sedula

9 b. Apud curam summi regis
Conversorum vices gregis
Commenda per saecula.