379. In Conversione s. Pauli.

la. Jubilemus salvatori.

Qui spem dedit peccatori
Consequendi veniam,

1b. Quando Saulum increpavit
Et conversum revocavit
Ad matrem ecclesiam.

2 a. Saulus caedis et minarum
Spirans adhuc cruentarum
In Christi discipulos,

2b. Impetravit, ut ligaret
Et ligatos cruciaret
Crucifixi famulos.

3 a. Quem in via Jeaus stravit,

Increpatum excaecavit

Lucis suae radio:

3 b. Qui consurgens de arena.
Manu tractus aliena
Clauditur hospitio.

4a. Flet, jejunat, orat. credit,
Baptizatur, lumen redit,
In Paulum convertitur:

4b. Saulus, praedo nostri gregis,
Paulus, praeco nostrae legis
Sic in Paulum vertitur.

5 a. Ergo. Paule, doctor gentis,
Tas electum, nostrae mentis
Tenebras illumina,

5 b. Et per tuam nobis precem
Praesta vitam atque necem
Aeternam elimina.