381. De sanctis Petro et Paulo.

1. Apostolica
lux haec palma
corruscat,

2 a. Nobile festum

Petri Paulique refulget,
Sanguinis ostro
mercati sunt
hodie coeli regna.

2b. Hi veri solis

radii pleni sophia

Coelestem vitam

docuere

mundum doctrina sacra.

3 a. Fide, claritate summi
Olympi clara lumina,

3 b. Virtute fratres invicti
Christi obtinent gratiam.

4 a. Ad vitae senatum mittunt
animarum milia lucra.

4b. Discipulam Dei reddunt
orbis dominam, urbem Romam.

5 a. Debellat Simonem
Petrus magum vaniter
apostatamque signat:

5 b. Temere dum vetat
regis aeterni sceptra,
enervatur a petra.

6a. Denique Paulus

caecat magum Elymam

renitentem

tramiti Christi recto,

tenebris

eum perpetim mulctat.

6b. Luce signorum
praecipui martyres
gloriosi

vento sequentem magum
Simonem
dejecere ad ima.

7 a. Post proelia mille,
passus atque labores
amicos Christus vocat
ad poli templa
jucunda.

7 b. Petrus vestigiis

supplex vicit ad coelos
in cruce, Paulus quoque
dejectus ense
triumphat,

8. Quorum preces nos salvent.