384. De ss. Petro et Paulo.

1 a. Rex aeternus, rector mundi,
Primus pastor in secundi
Laudetur victoria,

1b. Petras pastor hic secundus
Mundi victor, mundo mundus
Ex coelesti gratia.

2 a. Urbs Nannetis, urbs beate,
Petro patre praedicata
Speciali munere,

2 b. Servi Petri speciales,
Servos Petro spiritales
Nos curemus subdere.

3 a. Nota Petrum tam benignum,
Quod ad nuti Christi signum
Primo sub admonitu

3b. Linquit rete, linquit ratem,
Christi sequens veritatem,
Rursum raptus spiritu.

4 a. Statim Christum est secutus
Et sequentem Dei nutus
Ad plenum prosequitur,

4b. Paralysi destitutus,
Sanitati restitutus
Aeneas erigitur.

5 a. Auro carens et argento
Caritatis argumento
Corruscat miraculis,

5 b. Claudum solvit in momento
A morboso nocumento
Et nervorum vinculis.

6 a. Petrus vitam dat Thabitae
Juvenenemque reddit vitae
Vice Christi libera,

6 b. Pede premit fluctus maris
Et nutantem salutaris
Christi regit dextera.

7 a. Angelus incarceratum

Solvit Petrum, vitae datum,
Destinatum gladio,

7 b. Quod negando ter peccavit,
Verus amor expiavit
Et trina confessio.

8 a. Annaniae Saphyraeque
Falsam fidem punitaeque
Mortis per supplicium

8 b. Petrus, doctor veritatis,
Damnans fraudem pietatis
Et fraudis mendacium.

9 a. Petro Christi

sunt oves creditae,
Claves regni

coelestis traditae
Digno privilegio.

9 b. Firma tenet

Petri sententia,
Jure ligans

et solvens omnia
Coelesti imperio.

10 a. Hujus umbra sanat gentes,
Sanat membra, sanat mentes,
Morbos reddit impotentes
Medici potentia.

10 b. Hic a petra Christo dictus,
Per quem Simon magus victus,
Dum volare vult, afflictus
Prece Petri praevia.

11a. Nero fremit iracundus
Et pro mago furibundus,
Quod sit magus dissolutus
Et ruinam consecutus
Et casum mortiferum.

11b. Ergo Petro crux paratur
Et sic Petrus trucidatur,
Flagellatur, cruciatur,
In quo Christus se testatur
Crucifixum iterum.

12 a. O Petre, partor ovium,

O paradisi claviger,

Sospes hospes fidelium,

Aperi portas jugiter

Coeleste pandens atrium,

Et nulli claudas ostium.

12 b. Per hujus, Christe, meritum
Cum prece salutifera
Culpae et poenae debitum
Dimittens dele scelera,
Praestans perenne praemium
Et sanctorum consortium.