386. De sancto Philiberto.

la. Christicolae per climata
Orbis melodiamata

Dent pulsis schismatibus

1b. Hac die, qua Philibertus
Est perenniter consertus
Uranicis coetibus.

2 a. Hic prosapia insignis
Sed insignior condignis
Meritis et laudibus,

2 b. Hic quaternis pollens lustris

Exutus est vir illustris

Curis mundialibus.

3 a. Complens monachalem nor-
mam
Ac recte vivendi formam
Pandens suis fratribus,

3 b. Hic post Agili obitum

Regimen sumpsit inclitum
Coenobii Resbacensis.

4 a. Largiter cuncta regens,
Zelo justitiae degens
Ac vernans signis immensis,

4 b. Nutu Chlodovei regis
Construxit signifer legis
Honori coeiestium

5 a. In pago Rotomagensi
Locoque Gemeticensi
Nobile coenobium,

5 b. Quo moribus informaret
Plurimos et subrogaret
Ad Christi connubium.

6 a. Culmen sanctitatis
Istius abbatis,
Adeo creverat,

6 b. Quod hic nongentorum
Coetum monachorum
Secum adscierat.

7 a. Nobiles, potentes
Propria linquentes
Ad hunc confluebant

7 b. Ac viri magnates,
Monachi, abbates
Exemplo degebant.

8 a. Laude magnifica

Hunc, plebs catholica,
Sanctum venerare,

8 b. Per quem coenobium
Istud exordium
Sumpsit regulare

8 c. Multaque alia
Alibi stantia

Sumpserunt vera re.

9 a. Hic aromatibus
Et charismatibus
Plenus ac perfectus

9 b. Ad perfectiora
Stetit procul mora
A Deo directus.

10 a. Frater febre torsus
Erat sed mox prorsus
Hunc iste sanavit

10 b. Ac ad negotium
Ob monasterium
Foras destinavit.

11a. Vir carens lumine,
Baldracus nomine,
Ad sanctum accessit,

11b. Cujus fulcimine
Pulsa caligine

Hic sanus abscessit.

12 a. Surdi, caeci, muti
Per hunc sunt exuti
Infirmitatibus

12 b. Et claudi, turgidi,
Contracti, aridi
Suis languoribus.

13 a. Non est tam sedula
Mens, quae miracula
Ejus comprendere

13 b. Queat, hinc orgia
Hujus eximia
Conemur colere.

14 a. Quo post terrestria
Marcessibilia

Nos suos posteros

14b. Ad aeternalia
Pertrahat bravia
Secum ad superos.