388. De sancto Piato.

1. Hac in die jucundemur

Et beati veneremur

Piati solemnia,

2 a. Noster enim est patronus,
Sonet ergo dulcis sonus,
Sonet cum melodia ;

2 b. Sono vita sit aequalis,
Sonat dulce sonus talis,
Sapit plus quam dulcia.

3 a. Tanti patris cum sit dignum,

Juste justum ac benignum,
Revelari merita,

3 b. Exprimamus verbis nunc bre-
vibus
Et de vita et de virtutibus,
Quae sunt nobis cognita.

4 a. De tellure Beneventi
Innotescat omni genti
Ipsum esse genitum,

4 b. Proles fuit regia,
Facies egregia

Super choros comitum.

5 a. Adolescens ipse crevit
Et deorum cultum sprevit
Patremque incredulum,

5 b. Libens scholas frequentavit
Et doctrinae laboravit
Haurire fonticulum.

6 a. Tandem prudens et discretus,
Omni bono jam repletus
Fuit sine macula,

6 b. Morum summam quis narraret,
Prius dies declinaret
Et rediret nebula.

7 a. Blandimento mundi spreto
Romam pergit corde laeto
Vir consulti pectoris,

7 b. Quintinus et alii
Romam simul socii
Pergebant tunc temporis.

8 a. Comitatur hos Piatus,
Inter illos numeratus
Mox bissenat numerum:

8 b. Romam intrant adunati
Viri sancti, Deo grati,
Conditori siderum.

9 a. Romam postquamintraverunt,
Ordinari petierunt
A summo pontifice:

9 b. Ordinati recesserunt,
Recedentes quassaverunt
Vana Deo judice.

10 a. Tandem vias per devias
Devenerunt et fuerunt
In Francorum patria,

10b. Universi mox dispersi

Sunt diversi, quo perversi
Colebant inania.

11a. Reatus Dionysius

Tunc secessit Parisius,
Praedicator eximius,
Ubi mortem pertulit.

11b. Tunc Quintinus lora flexit,
Ambianis se direxit,
Ubi fides, quam dilexit,
Sibi mortem contulit.

12 a. Ad tormentum tunc Piatus,
Scuto veri circumdatus,
Venit promptus et paratus,
Fugare daemonia.

12 b. Ex te nomen fuit ei,
Pio parent fide rei
Et fatentur posse Dei,
Posse super omnia.

13 a. Urbs in Christo jam renata
Deo credit circumdata,
Caesar inde perturbatus
Jubet, ut sit condemnatus
Vir sanctus et caeditur.

13 b. Caesus hic elegit thorum,
Virtus patet supernorum,
Pia prece, fons piorum,
Lava sordes servulorum,
Martyr, cui nunc psallitur.