389. De sancto Piato.

la. Diem hanc laetitiae

Regi gratam gloriae

Celebret ecclesia,

1b. Totus orbis gaudeat
Et per vocem prodeat
Animi laetitia.

2 a. Reduc ad memoriam
Piati victoriam,
Tornacensis civitas,

2 b. Tibi nempe congruit,
Quam subire docuit
Justitiae semitas.

3 a. Parentes et patriam,
Rerum opulentiam,
Tibi missus coelitus

3 b. Piatus deseruit,
Ut agendum docuit
Patris unigenitus.

4 a. Inde tibi miscuit
Vinum et proposuit
Mensam sapientiae,

4 b. Verbis et miraculis
Detrahens incredulis
Fermentum malitiae.

5 a. Quis verbis exprimere,
Laudibus extollere
Vitam ejus sufficit?

5 b. Qui dum mente nobili
Voluptati labili
Inhaerere despicit,

6 a. Fama volat celebris,
Lux erumpens latebris
Per orbem diffunditur,

6 b. Exemplum et regula

Vivendi per saecula

Populis apponitur.

7 a. Innotescit Caesari
Per Piatum subtrahi
Thus, honorem solitum,

7 b. Hinc a sede regia
Discurrit sententia
Mortis in immeritum.

8 a. Percutitur gladio
Piatus et solio
Coelesti recipitur,

8 b. Ubi cum martyribus
In supernis sedibus
Jugi pace fruitur.

9 a. Hujus, Christe, precibus
Virtutum muneribus

Sic nos omnes cummula,

9 b. Ut post vitae terminum
Te laudemus Dominum
Per aeterna saecula.