391. De sancto Quirino.

1. Cantu celebri
et studio vigilanti

2 a. Laudemus Deum
supplices

ac illius glorificandos
martyres,

2 b. Qui carnem suam
variis

jugiter crucifixerunt cum
vitiis.

3 a. Ex quorum numero

noster sanctus est Quirinus,
martyr gloriosissimus.

3 b. Beata merito

mater illa, quae meruit
talis filii stemmata.

4 a. Quidquid namque
tulit doloris
per conamen
nutriendae sobolis,

4 b. Eecompensat
nati dulcedo
in aeternae
claritatis gaudio.

5 a. Ille ergo
totis viribus
coelestia desiderans

5 b. Sprevit luxus
carnis lubricae
et totius lasciviae.

6 a. Cum necdum

sanguinem fuderit,
voto martyr exstitit,

6 b. Conterens
penitus omnia
hujus mundi gaudia.

7 a. Hic fidei sincerae
proditus adhaerere,
praesentatur iniquo
regi Claudio.

7 b. Quem prius flagellatum,
dehinc rebus nudatum,
supplantare non valens
demum jugulat.

8 a. At Dei famulo

mortis pugna minus sufficit.

8b. Aucta est gloria

postquam creverat victoria.

9 a. Nam corpus

in flumen positum
inde miro levatur
effectu signorum.

9 b. Quod post haec
in parvo tempore
nutu Dei translatum
datur Bavariae.

10 a. Nunc ergo o, Quirine,
Christi miles inclite.

10b. Precatibus assiduis
locum tui corporis

11. Ac fideles
adiuva omnes.