398. De sancta Rictrude.

1. Adesto tuis sedula

2 a. Supplicibus, domina,
lux atque spes ditissima.

2b. Tua namque sanctitas
nos illustrat ac roborat.

3 a. Ergo suscipe

humilium pia vota,
Rictrudis optima,

3 b. Atque has vices

et has voces et carmina
attende benigna.

4 a. Et memento, te dulcia
nobis debere viscera,

4b. Quibus jam beneficia
contulisti carnalia.

5 a. Nobis auxilia,
o domina,
sunt necessaria

5 b. Carne et anima
et in ista
et futura vita.

6 a. Ergo, mater, et ista
nobis affer bona

6 b. Atque spiritalia
potius ministra.

7 a. Ut in omni nobis
adsis gratia,

7 b. Cum ubique possint
tua merita.

8 a. Dele facinora,
pelle peccata

8 b. Atque prece tua
veniam impetra.

9 a. In extrema agonia
fuga atra
a nobis daemonia.

9 b. Angelorum solatia
tecum nobis
adhibe propitia

10. Et salvos nos

ante Deum colloca.