402. De sancto Rufo.

la. Ave, gemma confessorum,
Lucerna Canonicorum,
Alme Rufe pontifex,

1b. Salve sanctitatis rosa,
Mundi lampas luminosa,
Cunctis esto opifex.

2 a. Grande, pater pietatis,
Summae sidus honestatis
Rutilans in gloria,

2 b. Vale fulgens coram ollo,
Pro quo pater crucem collo
Tulit cum angustia.

3 a. A Christo fuisti tractus,
Non vi sed amore captus
Agnita prudentia,

3b. Te rogamus, ut trahamur
Ad illum, quem veneramur
Corde et mente pia.

4 a. Esto nobis, praesul pie,
Apud filium Mariae
Custos in certamine,

4 b. Tutus ductor vitae viae
Sis nobis nocte et die
Dante sancto flamine.