405. De sancto Sebastiano.

la. Inclite martyr Romane,
Beate Sebastiane,

1b. Civis Mediolanensis,
Sed genere Narbonensis:

2 a. Miles verax, justus, fortis
Princepsque primae cohortis

2b. Duorum imperatorum,
Chlamydem ferens eorum ;

3 a. Jussu quorum passus es
Tormenta et carceres,

3 b. Verbera carnificum

Et blasphemias militum,

4 a. A quibus sic sagittatus
Medio campo ligatus

4 b. Fuisti, quod apparebas
Ericius, dum vivebas.

5 a. Tu es vere martyr Christi,
Succurre populo tristi,

5 b. Ne spiritali sagitta
Nec lancea sit afflicta.