413. De sancto Stephano.

la. Collaudemus

invictum in suis regem
Alleluja,

1b. Qui passi sunt

ipsius docendo legem,
Ees laudanda.

2 a. Quorum primum omnium
Christum imitantium
In agone

2 b. Veneremur jugiter
In sua solemniter
Passione.

3 a. Nam ejus martyrium
Gedeonis proelium
Figurabat,

3 b. Quando hostes strepitu,
Non armorum impetu
Effugabat.

4 a. Sic adversus populum
Stephanus incredulum
Dimicavit,

4 b. Non armis sed precibus,
Cum pro lapidantibus
Supplicavit.

5 a. Fixis terrae genibus
Vidit in coelestibus
In supernis sedibus
Jesum stantem,

5 b. Atque contra hostium
Manus repugnantium
Divinum consilium
Dimicantem.

6 a. Obrutus lapidibus
Primus cum spiritibus
Ac sanctorum coetibus
Sublimatur,

6 b. Unde major gratia
Nobis et victoria
In ejus solemnia
Commendatur.

7 a. Ita post proelia
Miles stipendia
Consecutus est
coelestia.

7 b. Sic cum laetitia
Acceptet omnia
Servientium
servitia.