415. In Inventione s. Stephani.

la. Dies adest gratiosa,
In qua prima coeli rosa
Primum Romae floruit,

1b. Quam ab urbe Constantini
Potentatus vis divini
Transportari voluit.

2 a. Hic est Christi prototestis
Quem furentum dira pestis
In Judaea subruit,

2 b. Quem nec furor lapidantum
Nec saxorum crepitantum,
Nec mors ipsa terruit.

3a. Servus Dei stat cum reis,
Orans Christum pro Judaeis
In pace defungitur,

3 b. Sepelitur martyr sanctus
Et sanctorum gravis planctus
Sepultum prosequitur.

4 a. Post annorum longam moram
Opportunam nactus horam
Lucianus sancto coram
Johanne presbytero,

4 b. Terrae fossor applicatur,
Protomartyr elevatur,
Utriusque cor laetatur
Calathorum numero.

5 a. Nutu Dei procurantis

Corpus sancti jam regnantis
Graecos adit famulantis
Viduae vehiculo.

5 b. Hic obsessis miseretur,
Donec salus reformetur,
Febres fugit et medetur
Supplicanti populo.

6 a. O res digna praedicari,
Quod par suo cedit pari
Et augusto sanctus lari
Sancto dat hospitium.

6 b. Hic est multis salus data,
Hic ab ipsa regis nata
Sanitate restaurata
Pellitur daemonium.

7 a. Abbas fundit fontis rorem,
Corpus vero contra morem
Infundenti dat cruorem
Rubescente spongia.

7 b. Casu fati naturalis
Flamen atque monialis
Defunguntur, quos letalis
Revocavit gratia.

:8 a. His et modis infinitis
Verax palmes verae vitis
Claruit miraculis,

8 b. Claritatis ad augmentum
Christum pro se prosequentum
Oravit piaculis.

9 a. Ergo, protomartyr Christi,
Qui pro Christo te dedisti
Judaeorum ictibus,

9 b. Nil eorum timens minas
Stans invictus et reclinans
Cervicem lapidibus:

10 a. Fave nobis et succure,
Ut in summa spei turre
Contemplemur patriam,

10 b. Et a summo largitore

Ad extremum tempus horae
Consequamur veniam.

3 a. Foeditatis officinam

Domum mutat in divinam,
Qua supplantat rosa spinam,
Saliuncam lilium.

3 b. Deo plures ut adquirat,

Dum intendit, dum adspirat,
Divus ales locum gyrat,
Quo fundet coenobium.

4 a. Regis natam suscitavit
Et huic lumen reparavit,
Coelo datum rex humavit
Celebri frequentia.

4b. Sexaginta decem lustris
Manens nulla labe putris,
Tolli nequit vir illustris
Absque manu regia.

5 a. Laudi crescens et honori
Vase post haec potiori,
Nunc ex auro cultiori
Capsa fulget tertia.

5b. Absque signis non moveri
Potest tanti corpus heri,
Ut aroma nequit teri
Nisi cum fragrantia.

6. Cujus precum gratia
Nobis det coelestia.