419. De s. Thoma Cantnariensi.

la. Renovantur hodie
Urbi Cantuariae
Rediviva gaudia,

1b. Nec minus ecclesiae
Toti par laetitia
Redditur materia.

2 a. Res solemnis agitur,
Quia Thomae panditur
Virtus et victoria.

2 b. Thomae inquam incliti,
Cujus fuit meriti
Pati pro justitia.

3 a. Vere vir hic inclitus,
Large sancti spiritus
Debriatus gratia,

3 b. Mente calcans terrae

Nec in carne carnea

Sequens desideria.

4 a. Nil primatus Angliae,
Nil hunc movit regiae
Majestatis gratia,

4b. Quominus assereret,
Quaeque recta crederet,
Licet regi gravia.

5 a. Rex in iram vertitur,
Confiscanda quaeritur
Praesulis substantia:

5 b. Nec in his avertitur,
Sed adhuc extenditur
Furens manus regia.

6 a. O rem nimis asperam,
Altera post alteram
Sequitur injuria:

6 b. Quare sanctus Domini,
Ne subdatur homini,
Fugit, transit maria.

7 a. Fuga se sic liberat,
Sed non iram temperat
Potestas nefaria:

7 b. In suos invehitur,
Exsulare cogitur
Mater, nurus, filia.

8 a. Sic, sic absque gladio
Triumphat martyrio
Praesulis constantia,

8 b. Dum suis compatitur,
Dum tanta confoditur
Suorum miseria.

9 a. Fuso demum sanguine
Duplici certamine
Meretur coelestia,

9 b. Coeli dignus sedibus,
Sanctis consors omnibus
Gaudet nunc in gloria.

10. Unde nobis impetret,
Quae optamus, praemia.