422. De sancto Taurino.

1. Aula jucunditatis,
Alleluja,

2 a. Statuit Dominus hodie
Praesulem urbis Ebroicae,

2b. Taurinum, gemmam ecclesiae
Vitaeque virum angelicae.

3 a. Pontifex alma hac luce
Animam Deo

placentem obtulit,

3b. Angelo sepultus duce
Populo verbum
salutis protulit.

4 a. Intraturo portas urbis
Satanas ter altercatus,

4b. Ter cucurrit coram turbis,
Per crucem ter superatus.

5 a. Intrat urbem et intranti
Christum quoque praedicanti
Patet habitatio,

5 b. Ibi multi congregantur,
Quorum plures baptizantur
Praesulis officio.

6 a. Coram cunctis concrematam
Satan morti tradit natam
Hospitis, ut hospitem

6b. Incitaret in Taurinum,

Quam Taurinus, vas divinum,
Patri reddit sospitem.

7 a. Templo daemon exsul cedit,
Templi familia credit,
Sacerdotes viscera
Sua fundunt dextera.

7 b. Nato ducis et consorti
Repentinae datis morti
Vita redit reddita
Per Taurini merita.

8 a, Sopita tyrannide,
Baptizato praeside,

8 b. Jacet idolatria,
Triumphat ecclesia.

9a. Nobis ergo da, Taurine,
Civitatis ut divinae

9 b. Facti cives tua prece
Et secunda spreta nece

10. Triumphali laetitia
Decantemus Alleluja.