424. In Translatione s. Taurini.

la. De roseto prodit rosa,
Luctum odit lux jocosa,

1b. De spineto venit spina,
Pungens lenit ut divina.

2 a. Taurinus exuberat,
Rosam rosa superat,
Stellam stella.

2 b. Vas fellitum spernitur,
Vas mellitum bibitur,
Fluunt mella.

3 a. Neque vas fit vacuum,
Et mel stat perpetuum
Pari forma.

3 b. Virtutibus studuit,
Vitiis abstinuit
Pari norma.

4 a. Angelici spiritus
Diem pandunt exitus
Voce clara,

4 b. Hinc columna splenduit,
Qua sepulchrum patuit
Ut sol clara.

5 a. Surdus audit, loquitur,
Mutus daemon pellitur,
Salus et vis redditur,
Languor cedit.

5b. Error abit, veritas,
Regnat et calamitas
Fugit, redit caecitas,
Visus redit.

6 a. Taurine, propera,
Premunt nos scelera,
Opem miseris
accelera.

6 b. Tres mortis nexibus
Solvisti precibus,
Per te ditemur
virtutibus.