427. De sancta Ursula.

la. Coelesti connubio
Virginalis concio
Fit Messiae socia,

1b. Jubilemus igitur,
Quia Deo jungitur
Fragilis materia.

2 a. Infirmitas substantiae
Fit templum pudicitiae
Plebe sub incredula,

2 b. Jam vere pastor luminum
Effectus erat virginum
Sponsus absque macula.

3 a. Inter illas principalis
Est matrona triumphalis,
Quae vocatur Ursula,

3b. Minas, vires spernens regis
Dux est facta sui gregis
Velut Dei famula.

4 a. O felix acies

Haec est undecies
Undena milia,

4b. Quam nullo scelere
Potest involvere
Furens insania.

5 a. Muliebri

metu deposito
Intraverunt
carinas solito,

Sunt pro remis brachia.

5 b. Navigando

per mare properant,
Intrant Rhenum
fluctus exsuperant,
Felix est audacia.

6 a. O quam durum
Parant murum
Virginum suspiria,

6b. Spernunt procos,
Quorum jocos

Pellunt et ludibria.

7 a. Quae dum gentem
profanam fugiunt,
Basileam

tandem perveniunt
Susceptae cum gratia.

7 b. Commendatis

ibidem navibus
Romam tendunt
festinis gressibus
Duce poenitentia.

8 a. Quae probitas,
Quae dignitas,
Ubi carnis integritas
Ad vitae currit gaudia,

8 b. Divinitus
Est editus

Virgo hic non humanitus
Mente boni conscia.

9 a. Mente carne tam sinceres
Judicandae sunt proceres
Pro virtutum copia,

9 b. Quae non mutant discorditer
Nec commutant deformiter
Therebinthi lilia.

10 a. Revertentes Coloniam
Mactavit ob invidiam
Gens Hunnorum misera,

10 b. Sed Cordula, quae latuit,
Ut pateretur, adfuit
Die prorsus altera.

11a. Solo sexu vel nomine
Judicandae sunt feminae
Nec tam distant ab homine
Veritatis regula.

11b. O regum rex et Domine
Virgineo cum agmine
Sub alarum nos tegmine
Protege per saecula.